Працягваюцца затрыманні прадстаўнікоў СМІ і грамадскіх актывістаў
![](https://www.voiceofbelarus.org/wp-content/uploads/2021/07/57f41caf-c637-44f6-bdc9-2985250f4dc9_w1023_r1_s.jpeg)
Паводле сведчанняў праваабаронцаў, 8 ліпеня па ўсёй Беларусі былі затрыманыя не менш за 15 прадстаўнікоў медыясферы і грамадскіх актывістаў. Паводле афіцыйнай заявы следчага ўпраўлення КДБ, ідзе «шырокамаштабная аперацыя па зачыстцы ад радыкальна настроеных».
9 ліпеня ператрусы журналістаў з канфіскацыяй тэхнікі працягнуліся ў Мінску, Брэсце, Гомелі, Лунінцы, Глыбокім, Ганцавічах і Бабруйску.
Прадстаўнік знешнепалітычнай службы Еўрасаюза Петэр Стана напісаў у Twitter: «Беларусь: расправа над «Нашай Нівай» і іншымі выданнямі паказвае працяг рэпрэсій рэжыму супраць незалежных меркаванняў і поўнае грэбаванне не толькі свабодай слова, але і сваімі абавязкамі ў ААН і АБСЕ. Гэта непрымальна, прыкра і павінна быць спынена».