Ператрусы і затрыманні ў рэдакцыях і кватэрах журналістаў
![](https://www.voiceofbelarus.org/wp-content/uploads/2021/07/CFC8BC0D-87FC-403C-BF86-36FA5E02EE85_cx0_cy10_cw0_w1023_r1_s.jpg)
Ўлады заблакавалі сайт выдання «Наша Ніва» – аднаго з самых папулярных незалежных СМІ Беларусі, – а ў рэдакцыі газеты і дома ў журналістаў былі праведзены ператрусы. Следчыя дзеянні вядуцца ў дачыненні да чатырох супрацоўнікаў «Нашай Нівы» – галоўнага рэдактара Ягора Марціновіча, загадчыка аддзела рэкламы Андрэя Скурко, рэдактара часопіса «Наша гісторыя» Андрэя Дынько, а таксама галоўнай бухгалтаркі Вольгі Раковіч. Усе чацвёра былі затрыманыя і дастаўленыя на допыт.
Ператрусы прайшлі і ў рэдакцыях «Брэсцкай газеты», баранавіцкай незалежнай газеты Intex-Press і анлайн-выдання Media-Polesye.by. Па крымінальных справах затрыманыя на 72 гадзіны мінімум сем журналістаў па ўсёй Беларусі.