2021-06-27
Плакат у падтрымку TUT.BY, кастрычнік 2020 года.

З сацыяльных сетак найважнейшага парталу навінаў Беларусі TUT.BY зніклі публікацыі за 2020 і 2021 гады аж да чэрвеня, што спарадзіла чуткі пра страту кантролю над каналамі.

«Мы выдалілі публікацыі праз справу аб «экстрэмізме» нашых сацсетак і сайта. Мы зрабілі гэта, маючы на мэце гарантаваць бяспеку нашых чытачоў і супрацоўнікаў», – паведамілі ў рэдакцыі. Там адзначылі, што сацсеткі застаюцца пад кантролем каманды TUT.BY. Сузаснавальнік выдання Кірыл Валошын дадаў, што адміністратары каналаў знаходзяцца за мяжой – відавочна, з меркаванняў бяспекі.

Пераслед TUT.BY доўжыцца ўжо некалькі тыдняў. Іх сайт заблакаваны, а галоўны рэдактар і некалькі супрацоўнікаў знаходзяцца пад вартай.