Каардынатарцы праваабарончай арганізацыі пагражае 20 гадоў турмы

Праваабаронцу і каардынатарцы Службы валанцёраў «Вясны» Марфе Рабковай прад’явілі новыя абвінавачанні ў «пагрозе нацыянальнай бяспецы», што можа прывесці да 20 гадоў пазбаўлення волі, паведамляе «Вясна». 26-гадовая актывістка адкідае ўсе абвінавачванні ў свой адрас як палітычна матываваныя.

Згодна з лістом, які Рабкова даслала сваёй сям’і з турмы, беларускія ўлады абвінавацілі яе ў кіраўніцтве злачыннай арганізацыяй, распальванні сацыяльнай варожасці і закліках да дзеянняў, накіраваных на нанясенне шкоды нацыянальнай бяспецы. 26-гадовую актывістку затрымалі разам з мужам Вадзімам Жаромскім у верасні 2020 года. З моманту затрымання яна знаходзіцца ў СІЗА. Яшчэ сем супрацоўнікаў Службы валанцёраў «Вясны» таксама былі арыштаваныя па падстаўных абвінавачаннях, двое з іх былі асуджаныя да турэмнага зняволення на закрытых судах.

Amnesty International мае паўтарыла заклік да беларускіх уладаў вызваліць Рабкову і іншых адвольна затрыманых праваабаронцаў. Мары Стратэрс, дырэктар Amnesty International па Усходняй Еўропе і Цэнтральнай Азіі, заявіла: «Справа Марфы Рабковай увасабляе тыя жахі, з якімі цяпер сутыкаюцца праваабаронцы і грамадзянская супольнасць у Беларусі». За апошнія 18 месяцаў урад Лукашэнкі фактычна паставіў па-за законам усю праваабарончую супольнасць краіны шляхам закрыцця вялікай колькасці НДА.