2021-12-10
Арсень Захарэвіч.

Пасля затрымання і збіцця супрацоўнікамі міліцыі ў жніўні 2020 года 17-гадовы жыхар Барысава Арсень Захарэвіч быў вымушаны з’ехаць з Беларусі і цяпер жыве з бацькамі ў Літве. З дапамогай Камітэта па расследаванні катаванняў сям’я падала заяву ў літоўскую паліцыю, бо гэтае злачынства беларускіх сілавікоў падпадае пад дзеянне ўніверсальнай юрысдыкцыі.

Удзень 11 жніўня 2020 года малады чалавек шпацыраваў з сябрамі ў цэнтры горада. У той час там праходзілі пратэсты пасля прэзідэнцкіх выбараў, аднак ён не браў у іх удзелу: яшчэ ўдзень недалёка ад плошчы іх спыніла міліцыя. Увечары гэтага ж дня яго збілі супрацоўнікі міліцыі, калі ён праводзіў дзяўчыну дадому кружным шляхам. Да яго пад’ехала машына, з яе выскачылі трое міліцыянтаў. Яны загрузілі яго ў машыну, абшукалі і пачалі біць; збіццё працягнулася і ў міліцэйскім пастарунку.

Пазней у Арсеня зафіксавалі закрытую траўму галавы. У пратаколе затрымання ўказана, што падлетак нібы выкрыкваў лозунгі на плошчы, дзе ён нават не быў. Пакуль яго маці, Юлія Чарных, спрабавала дамагчыся пакарання вінаватых у збіцці яе сына, яе адвакат даведаўся, што супраць яе распачата крымінальная справа аб абразе службовай асобы. Пасля гэтага сям’я была вымушана з’ехаць з Беларусі. Спачатку яны жылі ва Украіне, потым пераехалі ў Літву.

У Літве, Польшчы, Германіі і Чэхіі праводзіцца цэлы шэраг расследаванняў у дачыненні да беларускіх сілавікоў і самога Лукашэнкі. Многія з іх ажыццяўляюцца ў межах універсальнай юрысдыкцыі.