Стартаваў «Марафон Свабоды»

Беларускі фонд спартыўнай салідарнасці праводзіць маштабную міжнародную дабрачынную акцыю – анлайн-забег «Марафон Свабоды».

У ім можа паўдзельнічаць кожны. Для гэтага з 7 па 16 жніўня трэба прабегчы сімвалічныя 2334 метры. Гэта сімвалічная лічба, бо ад жніўня 2020 года менавіта паводле артыкула 23.34 каля 35 тысяч беларусаў былі асуджаныя за ўдзел у пратэстах.

Кожны з дзесяці дзён анлайн-марафона будзе прысвечаны асобнай катэгорыі смелых беларусаў:

• 7 жніўня прайшоў забег у падтрымку дзеячаў культуры;
• 8 жніўня – у падтрымку лекараў;
• 9 жніўня – за Новую Беларусь;
• 10 жніўня – у падтрымку журналістаў;
• 11 жніўня – у падтрымку студэнтаў;
• 12 жніўня – у падтрымку жанчын;
• 13 жніўня – у падтрымку працоўных;
• 14 жніўня – у падтрымку спартоўцаў;
• 15 жніўня – у падтрымку палітвязняў;
• 16 жніўня – у падтрымку Фонда спартыўнай салідарнасці.

«Мы разам і мы не здаемся! Салідарнасць – наша моц!» – адзначаюць арганізатары.

Зарэгістравацца для ўдзелу ў «Марафоне Свабоды» можна тут.