Ліквідавана «Беларуская асацыяцыя журналістаў»

27 жніўня Вярхоўны суд Беларусі задаволіў іск Міністэрства юстыцыі пра ліквідацыю «Беларускай асацыяцыі журналістаў» (БАЖ). У рашэнні суда адзначаецца, што довады прадстаўнікоў БАЖ прызнаны як «не маючыя важнасці», а прадстаўнік адказчыка «няправільна разумее закон».

БАЖ – адзіная незалежная прадстаўнічая арганізацыя журналістаў і работнікаў СМІ ў Беларусі, яна пачала працу ўвосень 1995 года. У склад асацыяцыі ўваходзяць каля 1500 прадстаўнікоў медыясферы.

«БАЖ – гэта не толькі офіс і юрыдычны статус, гэта амаль 1500 калегаў з розных рэгіёнаў Беларусі, якіх аб’ядноўваюць агульныя мэты і агульнае бачанне вольнай медыяпрасторы. Нашы калегі прайшлі разам шмат выпрабаванняў. І гэта выпрабаванне таксама пройдуць разам. БАЖ таксама з’яўляецца сусветна прызнанай арганізацыяй. Нашы міжнародныя партнёры ўжо заявілі, што нават калі БАЖ будзе ліквідаваны, мы застанемся яго сябрамі, і яны цалкам падтрымаюць нас у нашай дзейнасці на карысць свабодных СМІ ў Беларусі», – пракаментаваў прысуд намеснік старшыні БАЖ Барыс Гарэцкі.

Back to top button