Беларусь пазбавілі яшчэ аднаго чэмпіяната
![](https://www.voiceofbelarus.org/wp-content/uploads/2021/07/otmena-sorevnovanij-v-belarusi.jpg)
Міжнародная федэрацыя паўэрліфцінгу прыняла рашэнне пра перанос чэмпіянату свету па класічным паўэрліфцінгу 2021 года з Мінску ў шведскі Хальмстад. Спаборніцтвы мусілі прайсці ў Мінску 23 верасня – 3 кастрычніка 2021 года.
У заяве арганізацыі сказана, што «ў сувязі з сёлетнім палітычным становішчам выканкам IPF быў вымушаны прыняць цяжкае рашэнне аб адмене спаборніцтваў, беручы пад увагу няпэўную сітуацыю ў гэтай краіне».
Да гэтага ў Беларусі былі скасаваныя чэмпіянаты свету па хакеі і велатрэку.