Пенсіянерку аштрафавалі за тое, што яна ўсклала кветку на месцы гібелі мінчука ў жнівеньскіх пратэстах
![](https://www.voiceofbelarus.org/wp-content/uploads/2021/07/mesto-gibeli-aleksandra-tarajkovskogo.jpg)
Галіну Іванову затрымалі на месцы гібелі Аляксандра Тарайкоўскага, які быў застрэлены сілавікамі ў цэнтры Мінска 10 жніўня 2020 года. Пенсіянерку абвінавацілі ў пікетаванні «шляхам ўзняцця ўверх рукі і ўскладання аднаго цюльпана». У рапарце міліцыянта сказана, што яна «ўзняла каля дарогі два пальцы ўверх і махала машынам, што праязджалі побач». Штраф склаў больш за 1300 еўра.